Биыл 1 қаңтардағы жағдай бойынша, Қазақстанда жылқы саны 4 млн, бұл бір жыл бұрынғыдан 5,4% көп.

Ең көп жылқы Түркістан облысында: 425,4 мың, бір жылда 10,4% көбейген. Одан кейін Қарағанды ​​(352,2 мың, 11,1% көбейген), Абай (321,7 мың, 1,3% азайған), Ақтөбе (321,2 мың, 18,1% көбейген) және Батыс Қазақстан (307,6 мың, 9,7% көбейген).

Бір жылда туған құлын саны 5,4% көбейіп, 1,1 млн бас болды, сонымен қатар жалпы өлім-жітім 11,4%, яғни 4,4 мыңға дейін азайды.

Былтыр қаңтар-желтоқсан қорытындысы бойынша, ҚР шаруа қожалықтарында 323,9 мың тонна тірідей және 167,6 мың тонна сойыс салмақта жылқы сойылды немесе союға сатылды. Тірідей 6,7%, сойыс салмағында 6,6% көбейген.

Мұнда да Түркістан облысы көш бастап тұр: тірідей 40,3 мың тонна және сойыс салмағында 20,8 мың тонна. Одан кейін Абай (37,9 мың тонна тірілдй және 19,9 мың тонна сойыс салмақта) және Павлодар (27,9 мың тонна тірідей және 14,5 мың тонна сойыс салмақта).

Бөлшек сауда нүктелерінде былтыр желтоқсанда ҚР бойынша орта есеппен жылқы етінің килосы 3 мың теңге болды, бұл бір жыл бұрынғыдан 4,3%, ал 2020 жылғы желтоқсанмен салыстырғанда 36% қымбат.

Еліміздің ірі қалаларының ішінде жылқы еті Алматы (килосына 3,7 мың теңге), Астана (3,6 мың теңге) және Петропавл (3,5 мың теңге) қалаларында ең қымбат. Ең арзан Қызылорда (2,5 мың теңге), Орал (2,5 мың теңге) және Түркістан (2,6 мың теңге) қалаларында.

2023 жылдың үшінші тоқсанында жылқы етін тұтыну жан басына шаққанда 1,5 кило болды, бұл бір жыл бұрынғыдан 24,1% артық. Бұл ретте, қалаларда жан басына шаққанда тұтыну орта есеппен 1,6 кило (24,8% көбейген), ауылдарда 1,3 кило (22,3% көбейген).