Авторлар: Данияр Оразбаев, Елдар Шакенов — Freedom Finance Global талдаушылары
Қазақстандық компаниялар
KEGOC АҚ 2024 жылдың үшінші тоқсанының қорытындысы бойынша оң есеп беріп, соңғы 12 айдағы рекордтық таза пайданы көрсетті. Оның үстіне компанияның баға мультипликаторлары тарихқа қатысты төмен мәнде.
Kaspi.kz сондай-ақ қаржылық және операциялық көрсеткіштердің айтарлықтай өсуін көрсетуді жалғастыруда. Оның үстіне біз өсудің мықты әлеуетіне ие түрік нарығына шығу жоспарларын бірқалыпты оң бағалап отырмыз.
Тағы бір жақсы үміткер «Қазақтелеком» АҚ болып қалып отыр, ол бойынша «Теле2/Алтел» мобильді операторын сатқаннан кейін алынған орасан зор ақшалай қаражатты пайдалану жөнінде шешім күтеміз. «Қазақтелеком» АҚ «Кселл» АҚ сатқаннан кейін арнайы дивидендтер төлеген 2012 жылдың тарихын ескере отырып, дивидендтер, қарыздарды өтеу немесе қайта инвестициялаудың баға үшін түрлі салдары болады, бірақ бірінші нұсқаны да жоққа шығарудың қажеті жоқ.
2024 жылдың үшінші тоқсанының қорытындысы бойынша қаржылық есептерді талдау негізінде қандай компаниялар өсу әлеуетінің ең жоғары көрсеткіштеріне ие
Мақаланы жазу кезінде барлық компаниялар үшінші тоқсанның қорытындысы бойынша есеп берген жоқ. Дегенмен, клеесі компаниялардың айтарлықтай жоғары өсу әлеуеті бар: «Эйр Астана» АҚ (+ 38%), «ҚазТрансОйл» АҚ (+ 35%), KEGOC АҚ (+ 20%)
Үшінші тоқсандағы оң есепті ескере отырып, маусымндық көтерілу KEGOC-та болуы мүмкін, бұл 2024 жылдың екінші жартыжылдығының қорытындысы бойынша айтарлықтай жақсы дивидендтерге алып келуі мүмкін. Сонымен қатар, компания тарифтерді монополияға қарсы органдарға қайта қарау ұсынысымен жүгінуге ниетті. Компанияның ағымдағы баға мультипликаторлары тарихи деңгейден өте төмен. Осылайша баға/пайда 6,5 есе деңгейге жетеді, алайда ол 2020 жылдан бастап 8-ден 18 есе ұлғаю ауқымында болды.
Дивидендтерді бағалаймыз
Әдетте Қазақстан нарығындағы дивидендтер көктем мен жаздың тоғысында төленеді. Дегенмен, күзде Kaspi.kz және KEGOC АҚ дәстүрлі түрде дивидендтерін төледі. Бірінші компания акцияға 850 теңге төледі, әдетте ол жылына 4 рет төлейді. Екіншісі, әдеттегідей, жарты жылда бір рет төлейді және 2024 жылдың бірінші жартыжылдығындағы акцияға 82,4 теңге төлейді, бұл рекордтық мәннен сәл ғана төмен. Күтпеген дивидендтердің ішінен биыл акцияға 9,57 теңге төлеуді жоспарлап отырған «Қазақстан Халық Банкі» АҚ-ны атап өтпекпіз, бұл биыл екінші төлем болып табылады. Бұған дейін мамыр айында банк акцияға 25,43 теңге төлеген болатын.
Америкалық компаниялар
АҚШ Президентінің сайлауы қысқы маусымның алдындағы және АҚШ қор нарығына әсер ететін басты оқиға болды.
Financial Select Sector SPDR Fund (XLF) — қаржы секторы. Қаржы секторының әлсіреуі және қаржы саласындағы реформалар банктердің, сақтандыру компанияларының және басқа да қаржы институттарының өсуін ынталандыруы мүмкін. XLF либералдық саясаттан пайда таба алатын осы саланың негізгі ойыншыларына қол жеткізуге мүмкіндік береді.
Energy Select Sector SPDR Fund (XLE) — энергетика саласындағы компаниялар. Экологиялық реттеуді оңайлату және ішкі мұнай мен газ өндірісін ынталандыру жөніндегі шаралар энергетикалық сектор үшін қолайлы жағдайлар жасайды. XLE ұзақ мерзімді перспективада ұтуы мүмкін мұнай-газ кешенінің жетекші компанияларына қол жеткізуге мүмкіндік береді.
iShares U.S. Aerospace & Defense ETF (ITA) — қорғаныс секторы. Әскери шығыстар мен ұлттық қауіпсіздікке инвестициялардың болжамды ұлғаюы аэроғарыш саласы мен қорғаныс секторындағы компаниялардың акцияларын қолдайды. ITA осы индустрияның көшбасшыларына инвестиция құюға мүмкіндік береді.
iShares Russell 2000 ETF (IWM) — капитализациясы аз компаниялар. Қайта реттеу шаралары және ішкі экономикалық өсімге баса назар аудару капитализациясы аз компаниялар үшін қолайлы орта қалыптастырады. IWM Russell 2000 индексінің динамикасын бақылап, осындай компаниялардың кең ауқымына қол жеткізуге мүмкіндік береді.
SPDR S&P Metals and Mining ETF (XME) — металдар мен тау-кен өнеркәсібі. Протекционистік шаралар және болат пен алюминий импортына тарифтер енгізу америкалық өндірушілерді қолдай алады. XME мұндай саясаттан ұтыла алатын металлургия және тау-кен өндіру секторының компанияларына экспозиция ұсынады.
SPDR Gold Shares (GLD) — алтын. Алтын бағасының әлеуетті өсуі салықтық жеңілдіктер мен мемлекеттік шығыстардың өсуі нәтижесінде АҚШ-тың мемлекеттік қарызының күтілетін ұлғаюымен түсіндіріледі. Мұндай жағдайда инвесторлар дәстүрлі түрде алтын жататын қорғаныш активтерін іздейді. GLD алтын бағасының динамикасына тікелей экспозиция алуға мүмкіндік береді.