Қазақстандп жаңа көліктер арзандап жатыр, деп хабарлайды Курсив «Астана Моторсқа» сілтеме жасап.
BYD
Казахстандағы қытай бренді дистрибьюторы тамыз айының соңына дейін BYD Song Plus DM-i гибридінің «100 km Flagship» комплектациясына жеңілдік бар екенін растады. Қазір автокөлікті 15,6 млн теңгеге алуға болады — бұл бұрынғы бағадан шамамен 2,3 млн теңгеге арзан.
Changan
Тамыз айының басынан бастап бюджеттік Changan Alsvin седаны да арзандады. 1,5 литрлік, 98 ат күшті қозғалтқышы бар және 5 сатылы «роботты» қорабы бар көлік енді 5,9 млн теңге тұрады.
Chery
Chery автокөліктеріне де акциялы бағалар ұсынылуда. Мысалы, Tiggo 2 Pro — 7,09 млн теңге (–1,1 млн теңге), Tiggo 4 Elite — 9,19 млн (–1,3 млн), Arrizo 8 Premium — 11,99 млн (–2,1 млн), ал Arrizo 8 Luxury — 12,89 млн теңге (–2,1 млн).
Hyundai
Төрт марканың ішінде ең көп арзандау Hyundai-да байқалды. Мысалы, Elantra седаны Smart комплектациясында енді 9,9 млн теңге тұрады — бұл бұрынғы бағадан шамамен 1,9 млн теңгеге арзан. Elegance комплектациясы — 10,4 млн теңге (–2 млн).
Santa Fe кроссовері Travel комплектациясында — 19,07 млн теңге (–2,12 млн), Prime — 19,88 млн (–2,21 млн), ал 6 орындық Calligraphy — 25,66 млн теңге (–3,83 млн).
Hyundai Sonata бағасы комплектациясына қарай 13,76–18,98 млн теңге аралығында. Бұл седандарға жеңілдіктер 1,5 млн-нан 2,1 млн теңгеге дейін жетеді.
2025 жылғы Custin минивэндері 15,54 млн (–1,35 млн) бастап 17,57 млн теңгеге дейін (–0,92 млн) сатылады.
Алғашқы буындағы Palisade моделі 7 орындық Luxe нұсқасында — 27,45 млн теңге, 8 орындық Calligraphy — 27,96 млн теңге, бұл бұрынғы бағадан шамамен 5 млн теңгеге арзан.