Қытайдың технологиялық секторы AI саласында керемет жетістіктерге жетуде. DeepSeek Nvidia H800 графикалық процессорларының көмегімен жасалған DeepSeek-V3 жаңа тіл үлгісін ұсынды.

Бір қызығы, технологияны жасауға бар болғаны 5,6 млн долларды кеткен, ал модельдің өнімділігі OpenAI және Meta әзірлемелеріне бәсекелес.

Қаржы нарықтарында осыған байланысты үлкен өзгерістер болып жатыр.

Nvidia (NVDA) акциясы 11,25% құлдырап, Oracle (ORCL) акциясы 7,32%төмендеді, ал Nasdaq-тағы ASML акциясы 7,1% төмендеді.

DeepSeek жетістігі AI индустриясындағы күштердің теңгеріміне айтарлықтай әсер етуі мүмкін.

Венчурлық капиталист Марк Андреессен бұл оқиғаны ғарышқа ұшып жарысқан өткен ғасырдағы бәсекелестікпен салыстырады.

Қытайлық әзірлеме аз ресурстарды жұмсайтын тиімді AI үлгілерін жасау мүмкіндігін көрсетеді.

DeepSeek қолданбасы ChatGPT-ті басып озып, американдық AppStore тегін қолданбалар рейтингінде көш бастады.

Жетістік АҚШ-тың технология саласындағы санкцияларының тиімділігіне күмән келтіреді.

Қытайлық компанияның жетістігі AI жүйелерін әзірлеуге кететін шығындарды азайтуға және оларды барлық салаларда қолдануды тездетуге көмектесуі мүмкін.

Дегенмен, бұл бизнесі қымбат жабдықты жеткізуге байланысты болатын Nvidia, Broadcom және ASML нарық көшбасшылары үшін белгілі бір тәуекелдерді тудырады.

DeepSeek-тің жетістігі өнеркәсіп үшін шын мәнінде маңызды болғанымен, AI нарығындағы күштер балансының түбегейлі өзгеруі туралы айту әлі ерте.

Қазіргі құбылмалылық тактикалық операциялар үшін мүмкіндіктер туғызады, бірақ бұл технологиялық серпілістің ұзақ мерзімді салдары әлі байқалмайды.