Қазақстан қор биржасында (KASE) төрт ірі банк акциясы сауда күні төмен көрсеткішпен ашылды. Негізгі себеп — базалық мөлшерлеменің 18%-ға дейін көтерілуі және инвесторлардың тәуекелден қашуы болып отыр.

ForteBank акциялары 2,74% төмендеп, 13,5 теңгеге дейін түсті. Бұл соңғы апталардағы ең айқын құлдырау.

ЦентрКредит Банк акциялары яғни бір тәулікте –1,65% төмендеп, 4 780 теңге болды. Биржа дерегіне сәйкес, соңғы 52 аптадағы акция бағасы 6 000 теңгеден 1 700 теңгеге дейін құбылып отырған.

Kaspi бағалы қағаздары да қысымға түсті — 42 300 теңге болып, –1,17% пайыз арзандады.

Halyk Bank акциясы 357,5 теңге болып тұр. Тәуліктік өзгеріс –0,08%. Құлдырау көлемі шағын болғанымен, тренд жалпы нарық бағытынан алшақ емес.

Айта кетсек, жақында  Қазақстан Республикасы Ұлттық Банкінің Ақша-несие саясаты комитеті базалық мөлшерлемені жылдық 18% деңгейінде белгілеу туралы шешім қабылдаған еді. 

Сондай-ақ Мәжілісте қаралып жатқан «Банктер туралы» жаңа заң жобасынан кейін Қазақстан банктерінің құнды қағаздары KASE биржасында құлдырай бастады.