Ұлттық банк Қазақстан банктерінің 2025 жылғы таза пайдасы бойынша толық мәлімет ұсынды. Ең ірі 10 банктің жағдайы (бір жыл ішіндегі өсім мен теңгедегі көрсеткіші):
Halyk Bank: +15% немесе 132 млрд, 976,8 млрд-қа дейін;
Kaspi Bank: +7,6% немесе 40,7 млрд, 571,5 млрд-қа дейін;
ЦентрКредит Банкі: +23% немесе 45 млрд, 240,1 млрд-қа дейін (бұл көрсеткішке мемлекеттік көмекті мерзімінен бұрын қайтару әсер етті);
Отбасы банкі: +5,5% немесе 6,7 млрд, 127,4 млрд-қа дейін;
Forte Bank: +14% немесе 22,3 млрд, 182,2 млрд-қа дейін;
Alatau City Bank: –7,6% немесе –12 млрд, 144,7 млрд-қа дейін (бұл банк те мемлекеттік көмекті қайтарды);
Еуразиялық банк: –82% немесе –74,5 млрд, 16,4 млрд-қа дейін (мемлекеттік көмекті қайтарды);
Bereke Bank: +400% немесе 47,6 млрд, 59,5 млрд-қа дейін;
Bank RBK: +13,4% немесе 7,6 млрд, 64,1 млрд-қа дейін (мемлекеттік көмекті қайтарды);
Freedom Bank: –76% немесе 38,5 млрд, 12,1 млрд-қа дейін (бағалы қағаздардың теріс қайта бағалануына байланысты).
Пайданың азаюы сонымен қатар «Ситибанк Қазақстан» (–20%), «Шинхан Банк Қазақстан» (–42%), «Қазақстан – Зираат Интернешнл банк» (–27%) сияқты мекемелерде де байқалды. Нарыққа жаңадан келген кореялық «Банк БиЭнКей» 2,5 млрд теңге шығын көрсетті. Пайданың өсу қарқыны бойынша ең таңғаларлық нәтиже Zaman Bank-те: бірден 16 есе өскен. Дегенмен, теңгемен шаққанда бұл небәрі +4,1 млрд қана.
Жалпы алғанда 2025 жылдың қорытындысы бойынша Қазақстан банктерінің жиынтық таза пайдасы 6,7% артып, 2,726 трлн теңгені құрады. Жеке тұлғаларды несиелеу ережелері мен пруденциялық нормативтердің қатаюы аясында өсу қарқыны 2,5 есеге баяулады (бір жыл бұрын өсім +17% болған еді).