Табысын бизнесін кеңейтуге жұмсаған кәсіпкер салықтан босатылады

Биыл 24 маусымда «Салық және бюджетке төленетін басқа да міндетті төлемдер туралы» Қазақстан Республикасының кодексіне (Салық кодексі) және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының Заңына өзгерістер мен толықтырулар енгізу туралы» Қазақстан Республикасының Заңына қол қойды, деп хабарлайды Ұлттық экономика министрлігі.

Заңда пандемиядан туындаған шектеу шаралары кезеңінде бизнесті қолдау шараларын көрсетуге, салық міндеттемелерінің орындалуын жеңілдетуге және іскерлік белсенділікті ынталандыруға бағытталған өзгерістер бар.

Жаңа тіркелген бизнес кәсіпорындары үшін өз өнімдерін өткізу кезінде қосылған құн салықты 70%-ға төмендету сияқты салық жеңілдіктері көзделген. Бұл жеңілдік заңды тұлға тіркелген сәттен бастап екі жыл бойы қолдануға болады.

Өндеу өнеркәсібіндегі шағын бизнес субъектілері үшін олар жаңа негізгі қорларға қайта инвестицияланған жағдайда алынған табыстан корпоративтік табыс салығынан босату көзделген. Бұл инвестициялық ахуалды жақсартуға және өңдеу өнеркәсібін дамытуға мүмкіндік береді.

Сондай-ақ, заңда пандемияға байланысты тексеру мен емдеуді қоса алғанда, санитариялық-эпидемиологиялық, санитариялық-профилактикалық іс-шараларды ұйымдастыруға және жүргізуге жұмыс берушінің шығыстары бойынша қызметкердің табысы табыс салығын салудан босатылатын нормалар бар.

Жаңа енгізілімдердің бірі мобильдік қосымшаны пайдалану арқылы арнайы салық режимін енгізу болып табылады, ол салық төлеушінің қызметін тіркеуді, тоқтатуын және салық міндеттемелерін орындауын жеңілдетуге мүмкіндік береді.

2021 жылғы 1 қаңтардан бастап пандемиядан зардап шеккен 114 қызмет түрі үшін бөлшек салықтың арнайы салық режимі 2 жыл мерзімге енгізілді. 2023 жылдан 2025 жылға дейін қоғамдық тамақтану саласы үшін режим ұзартылады. Салық ставкасы 6% мөлшерінде белгіленген. Режимнің басты ерекшелігі – режимді төлеушілер қосылған құн салық пен әлеуметтік салықты төлемейді.

Сондай-ақ, заңмен салықтық әкімшілендіру бөлігінде салық төлеушілердің қызметіне оң әсер ететін нормалар қабылданды. Мәселен, 6 айлық есептік көрсеткіш немесе 17 502 теңге салық берешегінің шекті мөлшері белгіленген, одан төмен болса шоттарға тыйым салынбайды. Іс жүзінде, тіпті шамалы сома шоттардың жабылуына және, тиісінше, бизнес субъектілерінің тоқтатылуына әкелуі мүмкін.

Банктерге салық төлеуші қарызды төлегеннен кейін бірден шот ашу құқығы берілді. Салық берешегін өтеген жағдайда шоттарды жылдам ашу бизнес субъектілерінің уақытын үнемдеуге мүмкіндік береді.

Мемлекет басшысының Үкіметтің 1 сәуірдегі кеңейтілген отырысында берген тапсырмаларын орындау үшін 2021 жылғы 1 сәуірден бастап 1 шілдеге дейін зардап шеккен салаларда еңбекақы төлеу қорынан жеке табыс салық және әлеуметтік салық төлеуді кейінге қалдыру енгізілді. Бұл ереже бөлшек салық режимі үшін анықталған 114 қызмет түріне қолданылуы мүмкін.

Пандемияға байланысты шектеу шараларына байланысты 2019 және 2020 жылдарға резиденттік сертификатын ұсыну мерзімі 2021 жылғы 31 желтоқсанға дейін ұзартылды. Бұл шектеу шаралары кезеңінде қосарланған салық салуды болдырмауға бағытталған, өйткені шет елдерде карантиндік шараларды енгізу себебінен құжаттарды ұсыну қиын.

Осылайша, қабылданған шаралар уақтылы болып табылады, бизнес субъектілерінің айналым қаражатын ұлғайтуға және оларды басқа өндірістік шығыстарға бағыттауға, салық міндеттемелерін орындауды жеңілдетуге мүмкіндік береді.

Рұқсатсыз көшіруге тиым салынады!:Naryk.kz | Нарық.кз » Табысын бизнесін кеңейтуге жұмсаған кәсіпкер салықтан босатылады

Ұнады (0)